कोठाबाट टहलिएर
केही पर, चिया पसलमा पुग्छु
कुर्सिमा बस्छु
हातमा चोर र बुढी औलाले
सलाईको काटी समाउछु
र हेर्छु सेतो खम्बामा रहेको
कालो सलाईको बारुदलाई
र सम्झन्छु तिमिलाई नै....
किनकी सुरुवात गर्ने
त तिमिनै थिएउ ।
सलाईको बट्टाको कालोपत्रेमा
घ्वारर बारुद घसार्छु
र सम्झन्छु तिमिलाई नै....
किनकी ओसिएर बसेको मलाई
सल्काउने त तिमी नै थिएउ
अब आगोले टिपिसकेको सिगरेटलाई
म केही समय सास दिएर सहयोग गर्छु
सिगरेट पुत्ताउन सुरु गर्छ
र सम्झन्छु तिमिलाई नै....
किनकी...
सिगरेटलाई एकपटक पनि नसोधी
धुवाजसरी स्वतन्त्र भएर
उडिजाने त, तिमी नै थिएउ ।।।